[New post] غیرفعال جی میل اکاؤنٹس ختم کر دیے جائیں گے

KHAWAJA UMER FAROOQ posted: "ای میل کے لیے گوگل کی جی میل کا استعمال کرنے والے صارفین کے لیے اطلاع ہے کہ اگر انہوں نے اپنے کسی بھی جی میل اکاؤنٹ کو گزشتہ دو سال سے استعمال نہیں کیا، وہ ابھی اکاؤنٹ کو کچھ دیر کے لیے استعمال کریں، ورنہ یکم دسمبر سے وہ اپنے اکاؤنٹ تک رسائی حاصل نہیں " Pakistan Insider غیرفعال جی میل اکاؤنٹس ختم کر دیے جائیں گے KHAWAJA UMER FAROOQ Nov 29 ای میل کے لیے گوگل کی جی میل کا استعمال کرنے والے صارفین کے لیے اطلاع ہے کہ اگر انہوں نے اپنے کسی بھی جی میل اکاؤنٹ کو گزشتہ دو سال سے استعمال نہیں کیا، وہ ابھی اکاؤنٹ کو کچھ دیر کے لیے استعمال کریں، ورنہ یکم دسمبر سے وہ اپنے اکاؤنٹ تک رسائی حاصل نہیں کر پائیں گے۔ خبر رساں ادارے 'ایسوسی ایٹڈ پریس' (اے پی) کے مطابق گوگل کی جانب سے غیر فعال جی میل اکاؤنٹس کو 30 نومبر 2023 کے بعد ڈیلیٹ کرنا شروع کر دیا جائے گا یعنی یکم دسمبر سے اکاؤنٹس ہذف کرنا شروع کیے جائیں گے۔ گوگل نے غیر فعال اکاؤنٹس کو ڈیلیٹ کرنے کا اعلان مئی 2023 میں ہی کیا تھا اور ساتھ ہی غیر فعال اکاؤنٹس کی پالیسی کو بھی اپڈیٹ کیا تھا۔ نئی پالیسی کے تحت ہر وہ اکاؤنٹ جسے دو سال تک استعمال نہیں کیا جائے گا، اسے دو سال بعد ختم کر دیا جائے گا۔ اسی لیے گوگل نے تمام جی میل اکاؤنٹ ہولڈرز کو مشورہ دیا تھا کہ وہ کم از کم دو سال میں ایک بار اپنا جی میل اکاؤنٹ لاگ ان کریں۔ کمپنی کی پالیسی کے مطابق صرف وہ اکاؤنٹ ڈیلیٹ کیے جائیں گے جو کسی بھی صارف کے ذاتی ہوں گے، یعنی انہوں نے اپنے دفتر، اسکول، گھر یا دیگر کاروبار یا کام کے حوالے سے جو اکاؤنٹ بنائے تھے انہیں ڈیلیٹ نہیں کیا جائے گا۔ یعنی اگر کسی صارف نے دو سال سے اپنے اسکول یا کاروباری کمپنی اور ادارے کے نام پر بنائی گئی جی میل کو استعمال نہیں بھی کیا تو بھی ان کا اکاؤنٹ ڈیلیٹ نہیں ہو گا۔ کمپنی نے صارفین کو مشورہ دیا ہے کہ جو لوگ اپنے اکاؤنٹ کو بچانے کے خواہش مند ہیں اور انہوں نے دو سال سے اکاؤنٹ کو لاگ ان نہیں کیا، وہ فوری طور پر یکم دسمبر سے پہلے کم از کم ایک بار اکاؤنٹ کو لاگ ان کریں تاکہ ان کا اکاؤنٹ ڈیلیٹ ہونے سے بچ جائے۔ جی میل سے قبل ٹوئٹر نے بھی غیر فعال اکاؤنٹس کو ڈیلیٹ کرنے کا اعلان کیا تھا جب کہ یہ خبریں بھی آئی تھیں کہ ٹوئٹر غیر فعال اکاؤنٹس کو ڈیلیٹ کرنے کے بجائے ان کے یوزر نیم دوسروں کو فروخت کرنے کا ارادہ بھی رکھتا ہے۔ خیال رہے کہ ای میلز میں سب سے زیادہ جی میل کا ہی استعمال کیا جاتا ہے، ماضی میں سب سے زیادہ یاہو کو استعمال کیا جاتا تھا۔ بشکریہ ڈان نیوز Comment Like You can also reply to this email to leave a comment. Manage your email settings or unsubscribe. Trouble clicking? Copy and paste this URL into your browser: https://pakistaninsiders.wordpress.com/2023/11/29/%d8%ba%db%8c%d8%b1%d9%81%d8%b9%d8%a7%d9%84-%d8%ac%db%8c-%d9%85%db%8c%d9%84-%d8%a7%da%a9%d8%a7%d8%a4%d9%86%d9%b9%d8%b3-%d8%ae%d8%aa%d9%85-%da%a9%d8%b1-%d8%af%db%8c%db%92-%d8%ac%d8%a7%d8%a6%db%8c%da%ba/

Get the Jetpack app to use Reader anywhere, anytime Follow your favorite sites, save posts to read later, and get real-time notifications for likes and comments. Automattic, Inc. - 60 29th St. #343, San Francisco, CA 94110